الكلام الطيِّب
حامد حبيب
@@@@@
فيه
ياما كلام بيجرَح
وياما
كلام......... بِيِفرِح
وياما كلام ...... يداوى
وكلام
بيجيب بلاوى
وكلام
طيِّب يِطَيِّب
وكلام
يبعِد قُرَيِّب
مفيش احسن م الطيب
________
الكلمة
الحلوة تطَيِّب
الناس الحلوة تطيِّب
الود
مابينّا يطيِّب
مفيش احسن م الطيِّب
__
__
تقابلنى
تقول ازَّيَّك
واقابلك
اقول ازَّيَّك
تربطنا
بْبَعض محبَّة
أخويا
انت وانا خيَّك
لو يوم جيت اتخاصمنى
ماتقول
عنى مايتعيِّب
_________
الناس
بردُه لبعضيها
ليه
تكره ليه بعضيها
دامسير
المايَّه هترجع
وتعود
تانى لمجاريها
فبلاش
القسوة مابينّا
نفضل على بعض
نعيِّب
_________
نتقابل ...... .بالأحضان
بودّ
يكون محسوس
زيّ
ماقال الإسلام
بنيان
دايماً مرصوص
كلّنا
لزمَن نتوحَّد
إيد وَحده بعيد وقريِّب
__________
حاجة حصلت فيها نتعاتب
نشرب
مع بعض الشاى
ولا نُهجر
ولا نتخاصم
إخوات
يتخاصموا ازّاى
الدنيا
ماتسواش حاجة
ماهينفع
غير الطيِّب
