سجال رقم 71
رمضان أهو هل
رضا أبو الغيط وسميرة محمودى
********
******
رضا
رمضان
اهو هل يا سمورة
والخير
هيزيد
والأكل
هيبقى يا قمورة
كله
بمواعيد
سميرة
ايه
تقصد يعني في كلامك
قول بالتحديد
وبتقصد
ايه لما تقولي
كله
بمواعيد
رضا
يعنى
من بكرة مفيش لقمة
هتخش
الجوف
الا
ما المدفع يسعدنا
وعلينا
يطوف
سميرة
هو انت فاكرني اني باقصر
او
يعني ساعات انا بتاخر
منا
طول السنة باطبخ واعجن
ومافيش تحديد
رضا
مش
كل شوية تقولى هات
وتجُري
ف ثانية الجنيهات
وف
أخر اليوم ألقى فلوسى
ضاعت
من كتر العزومات
سميرة
فين
العزومات قولي يا سيدي
طول
عمرك شادد على ايدي
ولا
بعزم اهلي ولا اخواتي
ولا حتي بيجو النواحي دي
رضا
هنقضى
يومين عند حماتى
ويومين
ع العمة وخلاتي
وان
كان على باقي الاسبوع
وصفولي
موائد يا حياتى
سميرة
ماخلاص في كورونا يا روح قلبي
هاتقضي صيامك هنا جمبي
ولا
عدشي زيارة لبيت خالتك
ولا
حتى لبيت اختك واختى
رضا
وسحورنا.
يا دوب يبقي زبادى
او
جبنه وفول طعمه حيراتي
وان
نمنا خفاف يبقى ده احسن
ونعيش
أحلامنا حدا الحاتي
سميرة
حتي
ف رمضان هاتجو عنا
وتحرمنا وننام خفافي
كل اما اقولك جيب لحمة
تصرخ وتقول
الجيب مافي
رضا
راح
اجيب لك فرخه تقضينا
طول
الاسبوع
ومعاها
كمان حتة جبنة
علشان
الجوع
وأياكى
ف يوم تشكي يا غاليه
وألمح
ف عيونك اى دموع
سميرة
انا
مالي انا باقدر علي روحي
واتحمل
واكل على قدك
اما
انت بتفضل تتقلب
وتنام
وكفوفك على خدك
رضا
أما
م الفاكهة هجيب كيلو
خوخ
أو تفاح
نقسمه
ع الشهر يكفينا
والبال
يرتاح
سميرة
دا
كتير والله وليه الكيلو
ماتخليه نص
وكفاية
عليا انا وانت
لتفاحة
نبص 😂
رضا
وهفك
الكيس واجيب ليكى
رطلين
جلاش
وان
حكمت ادفع ف تمنهم
اقساط
مش كاش
سميرة
يا
سلام علي كرمك يا بو فوزي
دايما تحرجني باحساسك
وكفاية
علي تكون جمبي
دنا
عايشة يا اخويا بانفاسك
رضا
وليلاتى
انا هخدك للحاتي
تقفي
لساعاتين
وتشمى
الريحة يا حياتي
ان
شا الله يومين
سميرة
الله
الله يعني اخيرا
هاتحقق حلمي يا حياتي
واخيرا
هانشم اللحمة
واروح
وياك جمب الحاتي 😂
رضا
مش
هحرمك نفسك من حاجه
وان
شاء الله اموت
وللا
حد يقو لك محتاجه
لقمة
بسكوت
سميرة
تسلميلي
يا اللي مهنيني
واهو
كله يفوت
من
فرحة قلبي معاك نفسي
ارقع بالصوت 😂
رضا
بس
اوعى تقولى وحياتك
أنا
عاوزه فانوس
وكفاية
عليكى يا دوب شمعه
مش
كتر فلوس
سميرة
عايزين
فانوسين بس لماجدة
والواد محروس
الشمع
خلاص بطلت موضته
ومبقاش
بفلوس
رضا
ان
كان ع الواد انا هحكيله
اضرار
النور
والبت
عليكي تخليها
نايمة
لشهور
سميرة
من
عيني يا اخويا هانيمها
ولحد العيد
وبلاش
فوانيس ونفرحهم
مع
لبس العيد
رضا
رمضان ده ما فيش اجمل منه
وللا
عمرنا نزهق يوم منه
وان
كان على لبس العيد سهلة
أنا
عارف سوق هنجيب منه
سميرة
هاتلبس
في العيد اولادك
لبس من السوق
والله
دي حاجة كتير منك
واهو
كلك ذوق
رضا
طبعا
بنهزر يا اخوانا
وكلامنا
جنان
وقصدنا
نضحك أهالينا
ف
أيام رمضان
سميرة
وقصدنا
نقول عيش علي قدك
وبلاش تبذير
خليك متوسط ف مجايبك
من غير
تقصير
رضا
وان
كان ع الخير اهو بزيادة
بيقضى
حياتنا كالعاده
والأجمل
لو يوم فكرنا
ازاى
هيكون يومنا عبادة
سميرة
رمضان
مش محشي وصواني
واكلات وخلاص
وعلينا
نصلي ونصومه بس بإخلاص
رضا
طب
يلا قوام قومى يا سميرة
نعزم
أصحابنا والعيله
ليقولي
عليا انى مفلس
ويقولوا
عليكى انتى بخيلة
سميرة
من
عيني هاقوم وهاندعيهم
دي
اللقمة بتحلى باللمة
وانت
متنساش تدعي اخواتك
واولاد الخالة والعمة
