أنــــا إنســـــــــــــان
تحياتي محمد ياسين
ما بين صاحي وما بين
نعسان
في أحلامي وحيد هيمان
بيصرخ دمي في عروقي
أنا إنسان
ما بين الجد والتهريج
بيخلص عمري بالتدريج
وطعم الحزن في عيوني
ولا الصهريج
عشقتك لما نسيوا الناس
ومات في قلوبهم الإحساس
وقلبي ف حبك انتي أسير
يا حرة بقلب زي الماس
خطفت النظرة من عينك
سرحت ف سر تكوينك
ولما تغيبي نسأل ليه
يا غالية على القلوب
فينك
يا مالكة القلب بالدقة
وعاشقة بخفة وبرقة
براحتك اصل قلبي خفيف
وعايز في الهوى زقة
أنا اللي كتبت فيكي
كلام
وباوصف حبي شوق وغرام
ماتيجي تشوفي عزالي
يا ساكنة ف ليل مع
الأوهام
أشيل همك واسيب روحي
تعشش فيكي بجروحي
واطيب قلبك انتي ازاي
وللأغراب بسر القلب
بتبوحي
بسرعة نسيتي أشواقي
بيحلى لك أوي فراقي
وانا اللي معاكي كنت
باعيش
وقلبك هوا ترياقي
بلاش تإذيني بالقسوة
هواكي ف قلبي مش نزوة
وفرضاً كنت يوم طايش
ما كل جواد وليه كبوة
ما بين الغش والمبدأ
صراع الدنيا راح يبدأ
ما بين غشاش وصاحب حق
دا مين يكدب ومين يصدق
ما بين العدل والجبروت
يعيشوا الناس في لحظة
موت
ومحكمة الحياة ساكتة
وليه مافاضلش إلا سكوت
ما بين آخرة وما بين
دنيا
يموت الحلم وف ثانية
ضميرك شوف هايعمل إيه
ما بين اللحظة والتانية
هاعيش في الدنيا طولها
وعرض
لا طايل حتى سما ولا
أرض
صرخت وصوتي حر شديد
وحبك فوق جبيني فرض
ما بين صاحي وما بين
نعسان
في أحلامي أنا هيمان
ولو قسيت أوي الدنيا
هايصرخ دمي في عروقي
أنا إنسان
أكتب تعليق