قصيدة / العبد لله
...
العبد لله
..
.
أغلب م الغلب
عايش الدنيـا فـ مواله
يناجي الله في لياليـه
و بعيشتة يغني أحواله
الناس حاسداه ليـه
أنا مش عـارف
يمكن شايفينه متمرمغ
فـ قصوره و أمواله
أو شايفين سلطانـه
جوة عزوة عيالـه
...
على إيه محسـود .. واللهِ مش عارف
...
الدنيـا تضحكلـه فيسلــم منهـا للحواليـه
يستغربوه و فالسر يقولوا و ده من إيه
الناس حاسداه ليـه .. أنا مش عـارف
آه لو يعرفوا قيمـــة البشر في نن عنيـه
كانــوا فضلـوا يعشقـوا أيامـــه ولياليــــه
...
على إيه محسود .. واللهِ مش عارف
...
العبد لله
...
الفرفشة عنده مش للمصالـح
الكلمة الطيبة للخلق صدقــــة
فرفشته لأن مع ربــه متصالـح
و مشاعره تحت بصره صادقة
...
طب الحسد وعارفين على إيه
عالمال و العيــــال و السلطان
طب حسدهم هيفيدهم بإيــــه
أمــــا يفقدوا من بينهم إحسان
...
إحسان بدون مصالـــح
حتى للي منهم طـالـح
عاطيه دنيا بأخرة رابـح
وأخذه دنيا بأخرة فالـح
و إتنينهم جانيين . . . .
الطيب الِّـ بينهم طارح
...
على إيه محسود
العبد لله
واللهِ مش عـارف
.....
الشاعر الجريئ . . . حسن فؤاد ..
