سلِّمت أمرى إليك
حامد حبيب
ياربّ زاد .... البلا
والهمّ فاض بيّه
والقلب زحمة أسى مش
لاقى حنيّه
من أهل من أصحاب
وفاتونى وحديّه
من دنيا من حرمان من
نوم جفا عنيّة
{}{}={}{}={}{}={}{}
أنا انكويت بالهوى
مانفعشى فيه صبرى
والفقر راس البَلا لا
بإيدى.......لا بأمرى
والغُربة أكبر بَلا
لمّا بقَت قدرى
حاجات وتعلم بيها
خبّيتها فى صَدرى
بادارى و الكتمان نارُه
عذاب فيّه
{}{}={}{}={}{}={}{}
أصل البَلا أنواع شُفت
البَلا كُلُّه
رِكبت بحر الهوى شُفت
الهوى و ذُلُّه
صدّقت شُفت حبيب خان
الخليل خِلُّه
طِرت بأمل فى طريق كسَر
البَلا ضِلُّه
رِجعت أنا مكسور مبقاش
جناح ليّه
{}{}={}{}={}{}={}{}
واروح لمين ع الباب
يعطف و يِرحمنى
يلهمنى م الأسباب
يُسترنى و يعينّى
إلّاك يانور على نور
وَحدَك .......يطمّنى
سلِّمت قلبى إليك أحسنت
بيك ظنّى
تحوجنى إلاّ إليك
ولايشمت عدو فيّه
{}\\//{}\\//{}\\//{}
***********************
***********************
