الشاعر /إبراهيم عيد الفتاح شبل
دايما تمام
ياقاضي حكايتي متبروزه
بلوحة الأيام
فيها الفرح والحزن
وكتير
من الأوهام
رحلة شقا من أول ماعرفت
الفطام
لقيت ناس حلوة متذوقه
كما الأحلام
وناس بتسأل هو الحلم
نسافرله بكام
دا دنيا ومتغلبطه وابصم
عليه بالإبهام
عبيط وعاوز ينجب عمر
بغفلة الحكام
اسمك ايه يافتى مشطوب
من الأعلام
- -
في حضرة المحكمة أنت
ملكش كلام
اسمع و متعملش فيها
كتير أفلام
اصلك مواطن من حقك
الكف والأقلام
تعمل عنتر أو ليلي عيش
يومك بنظام
رتب أحلامك على قدك
بأولوية واهتمام
والقاضي العادل من
البشر
مايعرف الأيتام
أحكام بتصدر كالقدر
فينا
دا حكمة العلام
مقتول باب الرزق وتايه
من زحمة الأحلام
داعجوزة أحلامي مفهاش
إبتسام
----- ---
لا فلة ولا وردة تعطر
ليا
الأنسام
مدهوس ومهروس تحت
عجلة النظام
وكلاب بتنهش فيا اللحم
والعظام
وأنا راضي ياقاضي
بالقدر
ودايماتمام
الشاعر
/إبراهيم عيدالفتاح شبل
***********************
***********************
