عابدين أبو الخير
وحشتني
بشوق دايب ومش بكلام
دا صوت خارج انين عشمان
يقولك اد إيه انك وحشتيني
ومحتاجلك ومشتاقلك بكل حنان
*****
وبحلم يوم تكون ملكي
وألبسها كمان دبلة
وطرحة تغني بالفرحة
قوامها يزين الفستان
*****
وأوشم شوقي بالحنة
حورية وجاية م الجنة
وإيدي في اديها بالأحضان
*****
وأشوف الضحكة في عيونها
وفي جبينها يغني النور
وموج البحر قام يرقص
علي الشطآن
*****
ياوردة فل كان لونها
كما الأزهار في عنوانها
ووعد مني لأصونها
ياجنه منورة في قلبي
كما البستان
*****
يا حلم حياتي تاج راسي
تكوني دنيتي وأهلي
وفي الغربه ما اكون ناسي
بتبقي عزوتي وناسي
*****
يا أول حب انا عشقتة
وآخر عشق انا اترجاة
بشوفه في الخيال نجمة
بكل مشاعري اتمني
أكمل رحلتي وياة
*****
أنا اخلصتلك حبي
وقلبي فرحتة عنيكي
وبسرح ف الغرام منك
وأشوف الضحكة من سنك
وارسمك ليل حكاويكي
*****
بعافر لأجل أوصلك
وتهت كتير
بلف كتير علي حيك
بدون تفسير
دليلي ف الطريق ضيك
لأني تعبت م المشاوير
*****
دا حبك نور يوصلني لباب قلبك
أكون جمبك ونتواعد سوي ع الشوق
واقول دايما أنا عايش بتكمل فرحتي بيكي
أنا مش ممكن أقدر أكون غير ليكي
