عايزك تبيع
حامد حبيب
عايزك
تبيع....ولاتشتريش
إن كنت عايز يوم تعيش
متقولش ممكن يوم
يكون
ألقى حبيب قلبُه
يصون
دا حلم عايزك
ماتعيشوش
ماتنخدعشى فى الوشوش
"""""""""""
مَتقوللّى
مين عنده أمان
أو قلبُه فيه حُب
وحنان
الغدر
غيرُه مابنلاقيش
والغدر
نارُه ما تنطفيش
لازم تبيع علشان
تعيش
"""""""""""
وتمشى ويّا الناس
فى تيّارهُم تِغِش
تعيش معاهُم زيُّهُم وانت مركَّب ألف وِش
إيّاك
وتخلِص يوم لا
تِندَم ع اللى كان
كفاية
مُتّ بغدرُهُم قبل الأوان
عُمرَك دا كُلُّه فى الوفا على مفيش
عايزك تبيع
..........ولا تشتريش
(&)(&)(&)
__________
حامد حبيب
_مصر_
