رسالة أم
شعر الاستاذ /طلعت مجاهد
مكانشي قلبي حجر
ولاقسوتي جواي
ابني ياأجمل وتر
ليه قلت مني آى
طول عمري خايفه
عليك من
اللي
راح والجاي
تعبت وعودي اتصلب
قولي انت ليه نساي
في بطني شلتك ألم
ومرضعاك حولين
ليه الجحود سكنك
ومليتني ياابني أنين
مانا عشت احلم
إني أشوفك فوق
وحياتي تهنا بك
مع الزمان وتروق
أتاريني كنت غبيه
و ياريتني ماأسيت
كنت بطلع الشهد
من بقى واسقيهلك
وانت سقيتني المر
ولاحد بيحاسبك
مشيت ورا أندال
وانا قلتلك لأه
ماسمعت ليك جواب
بأيوه ولا لأه
دخلوا حدانا البيت
بالبانجو والبودره
ولامره جيت صليت
مستني قال بكره
على بنت جيران لفيت
قلنا خلاص فكره
هنجوزه وخلاص
يمكن يفوق بكره
طلعت جوازه ندامه
وصار الندم حالي
أبكي عليك ياابني
والا ابكي على حالي
خلص عليه الواد
ماصعبت مره عليه
أنا قلت فكره خلاص
هكسر وراه بلاص
وكفايه مر الكاس
الكيل طفح منه
والعند عنده اساس
وقسوته وهمه
ملوا عندي ١٠٠كراس
وجاي يقولي حجر
قلبك مهوش الماس
ابني ياأجمل وتر
فقدت ليه الاحساس
أنا هشتكيك وخلاص
لإلاهي رب الناس
