شُرُم.....بُرُم
حامد حبيب
دنيا.. شُرُم شُرُم .. بُرُم
نفخت فى
الكوز فانخرَم
مين كان سامعنى امّا انخرَم
أو
حتّى....... قبل ما ينخرِم
@@
@@@@
حَشا النديم شايل
ألم دِمِّل وواصِل لل.....وَرم
لكِن لسان
يبرى القلم يشدّ
بيه ضَعف الهِمَم
رغم اللى شافُه
ماانهزَم وكل ده ل......أرض الهَرَم
أرض البطولة
والكرَم أرض اللى داست ع القِيَم
دنيا شُرُم..شُرُم بُرُم
صاحبى طاير فى
الفضا وصوتُه مبحوح بالنّدا
يقرا ف
ترانيم الهُدى صوت الولَيِّد
لا صدى
يفطر على الحلم النّدى
يلقى الكآبة فى الغَدا
و امّا أقابلُه فى
المسا عيون بتتقابل
ندم
دنيا شُرُم..شُرُم بُرُم
شُفت واحد
كان كده! فى
كبرياؤه و عزّتُه
تملّى عاشق
.....كلمتُه والحق محور
كلمته
لكِن استأصلوله
كِليتُه ومصّوا كبدُه و فِشِّتُه
وقطعوا حتّى
شِفِّتُه سَرَّب آهاتُه
لل...قلَم
بسّ آخِر
ما .......كتب نُقَط(..)وبعديها
شُرُم
دنيا شُرُم
شُرُم بُرُم
★_______★
حامد حبيب_مصر
