يا دَمعنا المحبوس
حامد حبيب
أنا قلبى فيه اللى
فيه فيه اللى فيه مكفّيه
فيه الحنان
والخير والحُب فيه بمعانيه
فيه السنين
أحزان ولا حَد حاسِس بيه
أنا قلبى فيه اللى فيه
حَبّ .... انجرح قلبُه
ولا حَدّ ...بيواسيه
يُحضُن باب
السلوى والصبر يُحضُن فيه
وِ لوَحدُه
........يتألِّم حتى الألَم يداريه
أنا قلبى فيه اللى فيه
يا دمعنا
المحبوس ع الخَد قوم واجرى
واعزِف شَجَن
والحان على ضياع
عُمرى
ياطير فى ليل
صدّاح الضَّىّ
فين تلاقيه
أنا قلبى فيه اللى فيه
:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:
حامد حبيب
***********************
***********************
