الشاعر /إبراهيم عبدالفتاح شبل
قصيدة الجدة
الجدة خد بالك منها
كنز الدنيا وعطرها
الجدة كتر خيرها
هي الدنيا وشمسها
مفيش غيرها ولا زيها
أرضنا وسمانا
علشان احنا منها
أحلامنا دايما
من خيوط غزلها
بالحب بتغزلها
بعشق أحفادها
أم الأبطال بغنيلها
جدتي بتدعيلي
بعمري بدعيلها
شيلني حملها
كالهرم على كتفها
والأحمال لوجبال
ما لحظة تهدها
دايما سعيدة وفي
السعادة مين زيها
بالصلاة بالعبادة
بجد عرفه ربها
خدبالك منها هي
كنز الدنيا وعطرها
الجدة كتر خيرها
شمس الدنيا هيه
مفيش غيرها ولازيها
جدتي رمز الحنية
طلتها بنور قلبها
انا قضية حياتها
بتسعد بيا وقتها
ودا من بختي يارب
وحلاوة بختها
تخدني في فجرية
لتؤدي فرض ربها
وتقول شوفي الطير
بتسعى دايما لرزقها
ولما تتكلم دايما
أهدي الكلمة لأهلها
تعلمني الكلام وحب
اللغة بفنها
وحب الكلمة وأهلها
وبتزرع حب الناس
فيا لأني حلمها
خدبالك منها هي
كنز الدنيا وعطرها
الجدة اللي كتر
خيرها
مفيش غيرها ولازيها
الزمن بخطوطه رسمها
لوحة عشق بوجها
الورد بالجمال زينها
صبرت على الأيام
لحد الصبر ماحبها
الصبر انحنى فخرا
ليهاوباس أيديها
جدتي اللي اتخلق
الصبر فيها وليها
وما قدر الزمن يوم
عليها
ومن كتر أفعالها للخير
شهد الجميع امام عينها
ايقونة للجمال والخير
رضى رب الكون عليها
خدبالك منها هيه
كنز الدنيا وعطرها
الجدة اللي كتر خيرها
شمس
مفيش غيرها
ولازيها
أمي وجدتي وحياتي
وداري ووطنيتي
عروبتي ومصريتي
قوتي وعزتي
بالكرامة عنواني
وحلمي ومخدتي
ساعة منامي
جدتي في التاريخ
ياناس عنواني
مكتوب اسمها ورسمها
في قلبي عشق رباني
جدتي كنز الدنيا
حبيبتي وعطرها
الجدة كتر خيرها
شمس الدنيا مفيش
غيرها ولازيها !
الشاعر /إبراهيم
عبدالفتاح شبل
