محمود نوحو إبراهيم
َمعتنيلك
معتنيلك
طافت بروحي
زواريب الحنين
غيوم حنة
َمعتنيلك
والبعد ناعور
فرني ابطرگ ونه
وانه مكسور
اعتنيلك وجبري شدّه
كلمة معاتب تردني
بحيف منة
معتنيلك
انطرطيوفك على
جمر الحنين
وذابل بعيني دمعها
يوجّها طرواك
عله ونه
ويكبر بروحي
المكابر واكول انسى
وشنسى
منه
وصنتتي مگالب
خلگ مرضان
لوأجاه الليل
ليله شلون ونه
شلون يغفى
والحنين يرده
لجروف الهوى
ويرده جال الشوگ عنه
معتنيلك
صبري فاضت بيه
غدران العمر
محتار بيك
وطاف دنه
معتنيلك
خلصت كل الصبر
وصبري جاز سنين عمري
وفاض عنه
معتنيلك
غيم يَمطرني عل شوفك
طوف مزنه
وانه كاع مزروع
بعطشها
والصبر صبار جنه
يابس بگلبي الفرح
ويجرحو واهس غيابك
وين صرنا/شلون جنا
وسفة والعنوات
جولها جفاك
وطبع كلبك
سوء ظنه
معتنيلك
سيست عل موج
وسفات المعاتب
ومارهم لشراعي گلبي
غير ونه
معتنيلك
معتنيلك
معتنيلك
وگلبي طگ
دگه محنة
***********************
***********************
