يادار ابويا
------------؟
حامد حبيب
يا دار ابويا
جرالك إيه
إتغيّرتى يادار
كده ليه
جِيت فَلقيتِك
بعد غياب
فارشة الحُزن
ونايمة عليه
حتى دموعِك
ع الأركان
راسمة الماضى
و بتنعيه
________________
يادار ابويا جرالك إيه ؟
-------------------------
صورتِك يامّا وصورتَك يابا
عشَّش فيهُم ..... النسيان
عنكبوت الهجر
سكنهُم
غزَل خيوطُه ف كل مكان
صدمة صابِتنى لمّا لقيتك
إنت و أُمى
فى خبر كان
________________
يادار ابويا جرالِك إيه ؟
---------------------------
آدى ولادَك
بعد ... رحيلَك
نسيوا جميلك
، جنىْ إيديك
قسيوا ونسيوا
يابا جميلك
حتى جحودهم بأن فى
عنيك
وانت حزين فى الصورة
عليهم
إنت و أُمّى........يا حُزنى عليك
________________
يادار ابويا جرالك إيه ؟
---------------------------
كل واحِد
أخد التركة
سابلك دارك
قبر غريب
دنيا شغلت
قلب عيالك
ولا عاد فيهم ..... إبن حبيب
حتى
الذكرى الحلوة محوها
و
لا خلُّوش للذكرى
نصيب
_________________
يادار ابويا جرالك إيه ؟
---------------------------
شُفتَك يابا بتسقى ف
شجرة
وتقول دى
ضلّها ......للبيت
تحمى اخواتك
من دُنيتهُم
تشبه ياابنى .... شجرة توت
ضِلّة وقوت بسّ اللى
يحافظ
دايماً كنت
تقول آه ياريت
_________________
يادار ابويا جرالِك إيه ؟
---------------------------
دانت
ولادك............ ما بيتقابلوا
حتى ف جُمعة ف سبت ف عيد
كُلُّه
بيجرى ........ ف سكّة مالُه
دائماً
رابِط لُه .........المواعيد
آدى
ولادك ........ وادى دُنيتهُم
هنقول
إيه بسّى و............نعيد
________________
يادار ابويا جرالك إيه ؟
---------------------------
مش غريبة
اليوم ده تلاقى
كل واحِد .........ينسى أخوه
إذا كان ناسى البيت و الذكرى
حتى يقرأ
الفاتحة لابوه
لكن ليك
على إبنك..... يرجع
ويعيد تانى
البيت ...لماضيه
_________________
يادار ابويا جرالك إيه ؟
---------------------------
حامد حبيب
