احمِد مسا ونهار
عزة راجح
القلب بابه افتحه ..
للصبح والانوار
تتكشِّف الاسرار ..
لما الضباب ينقشع
ويفتَّح النوار
يا قلبها المكسور
الدايره بكره تدور
واللي كسر ينكسر
وهيجرفه التيار
يغرق ف بحر أذاه
ويشرب أسى ومرار
دنيا ومتقسمه
بين طيبين واشرار
ومتاهة بنلِفَّها
ومين ف ايده قرار
اللي مسك امرها
بيحرك الاقدار
سبحانه مهما تدور
النصر للأخيار
فارمي الحمول لله
واحمِد مسا ونهار
كل الكرب تنتهي
بالحمد والأذكار
..........
لها بقية .. ان اعجبتكم
.. انتظروها
عزة راجح
***********************
***********************
