محمد حبشي
احلب ضروعنا كل يوم ،
حتى لو جف
اللبن ..
وبِيع لحومنا بانتظام ،
للحكومة والنظام ،
ولِف أحلامنا
ف كَفَن ..
وارمِي عِظامنا للكلاب
،
واجلِد ظهورنا
يا عنترة ،
ولو عارضنا الانقلاب ،
إقطع حبال
الحنجرة ..
وارمينا برضه بدون سبب
،
في بحور دموعنا
يا عنترة ،
أو مستعمرة للجُذام ،
واحنا رابطين
الحزام ،
حوالين بُطُونَّا ف
مقبرة ..
رافعين رايات
الإنهزام ،
نتلو آيات المغفرة ،
على ضوء جروحنا في
الثرى ..
إحلب ضروعنا بدون كلام
،
واكسر ضلوعنا ،
لو نزوم ،
وابني قصورك من حطام ،
عشان ما نقدر
يوم نقوم ..
واقطع رؤوسنا بدون ألم
،
وفوق جُثَثْنَا
والعَلَم ،
دُوس علينا ب جزمتك
،
ما احنا مواشي
عزبتك ..
واقطع لسانَّا بدون خجل
،
لحد ما ييجي
الأجل ،
واقطع كمان رزق العيال
،
لو حد فينا مرة
قال ،
عايزينا ليه نعبد صنم ،
زي البقر ،
زي الغنم ؟..
وليه على جنودنا التزام
،
إن احنا نسجد
للحجر ..
رغم الغضب ، رغم الضجر
..
ونطبع صورة أبرهة ،
حتى على ورق
الشجر ..
أو نرسم صورة للشيطان ،
جوة المساجد
ع الحيطان ،
ونصلي على ملك الغجر ..
عليه الصلاة
والسلام ،
هو ده عُرف البشر ،
ولّا ده دين النظام ؟..
