إسأل عليّه _________؟
حامد حبيب
إسأل عليّه _________؟
!؛!؛!؛!؛!؛!؛!؛!؛!؛!
سنين وانت شاغلنى
وانت ما بتفتكرنى
سنين و سنين تعدّى
مااشوفك أو تزورنى
وابوك وصّاك
عليّه وصّاك وانت
هاجرنى
ياللّى ما بتفتكرنى
---------------------
مُجرّد ابوك
ما مات ماشُفتك
غير ساعات
وانت المفروض
أخويا تِوصِل كُلّ
اللّى فات
لكِنْ ......أسفى عليك
نسيت ما بتفتكرنى
ياللّى ما بتفتكرنى
---------------------
دلوقتى أنا
قُلت ابويا صحيح دلوقتى
مات
لمّا لقيتك
يا خويا نسيت كل
اللى فات
قلبك قاسى
يا خويا لو تعرف حجم حُزنى
ياللى ما بتفتكرنى
---------------------
بَسأل....فين المَحبّة ؟
ياخويا ادّينى حَبّة
مين غيرك
يدّيهالى بِحُبّ وشوق
ورغبة
مهما تلهيك
حياتك ماتاخدك برضُه
مِنّى
ياللّى ما بتفتكرنى
---------------------
ياخويا أسأل
عليّه أشوفك........ لو شويّة
إدّينى مِن
حياتك ساعة ،انشاللّه ثانية
محرومة انّى أشوفك لِلّه .....بسّ افتكرنى
ياللّى ما بتفتكرنى
---------------------
حامد حبيب
