إبراهيم عبدالفتاح شبل
القصة لما تبتدي
القصة تبتدي فيها بعيش
رومانسي وغيرك مايلزمنش
قصتنا حب ولي ودرويش
ياروحي
مني متخافيش
نظرة منك احيتني قبلها
ما كنت ياعمري بعيش
اول همسة حب ليك
كلام و بجد مبخبيش
اول بسمة واول ضحكة
فرحة زي نور بتعيش
القصة لما تبتدي صدقيني
العب البطولة وفيها بعيش
اخاف من دور البطولة
يجي يوم ميلاقنيش
من يوم ماكنا أطفال
أملنا فينا ما ينتهيش
والضفيرة والفلونكة
حاجة تانية متقوليش
إن حبك مزروع جوا
قلبي وأنت متدريش
نخلة بتكبر كل يوم
نظرة عين مترويش
ليه تصدي و تبعدي
ياعمري ماتحاوليش
ياحلم الحقيقة قربي
واسكني وماتصديش
ياحبيبه يا أمل روحي
كل يوم فيكي
بعيش
مكتوب بسطور العشق
قلبي وافي ولا مبتقريش
القصة لما تبتدي صدقيني
العب البطولة وفيها بعيش
أكون حالم أكون هايم
أكون أسد ومش نايم
على حظي اللي مش دايم
اللي بصعد له بروج وسلالم
أيام بتعب من زيف أحلامي
افز وأصحى من جوا منامي
أتاري الحلم حقيقة بأوهامي
يسكن كياني فتصحى أيامي
القصة لما تبتدي صدقيني
العب البطولة وفيها بعيش
بكون حالم بهوايا العذري
وإن بوحت
لي عذري
هواك فعلا ساكن حضني
راسم بجبينك نجوم ليلي
اقابلك فوق النجوم قمري
واسمعك بالحب مواويلي
وتنامي ساعات على صدري
وبكل الحان الحب تغنيللي
يا القلب اهيم فيك عشقا
وأنت حبيبي
قصاد عيني
القصة لما تبتدي ياعمري
صدقيني فيها بعيش
يقولوا عاقل أو مجنون
حبك عندي دا بالكون
تعيش بكياني وبعيوني
أوتسكن فيا احلى سكون
احب
مايشبهك بجنون
ولو ظنوا بقلبي
الظنون
دايب عشقا بليلك الحنون
ونهاري بفكرك كل شجون
مسجي في تراب خطوتك
المسطورة فيا رغم الجنون
منك القبس ينير الكون
يضئ دروب القلب فنون
بالقصة ليلي وأنا المجنون
والقصة لما بتبتدي فيها
بعيش الدور وأنا ممنون
الشاعر/إبراهيم شبل
إهداء للفنان أسمر الصحراء
