محمود نوحو ابراهيم
أبوذيات
=1 =
على الزردم أدگ البوسة لثمة
كمر ياناس طالع من شلت لثمة
شحلات البوسة من أثمي لثمة
تشب نار
وتعلگنا سويا
=2=
واشي لو نمام
لوعاذل أنا لك
وحگ شبكة العشرة هذني
لانالك
يبسانه عروگي وبشوفتك لانن لك
تعال نتحاضن ونتشابك
شويا
=3=
جلت من سهرها
العين تتناك
ولأشعل من وجيج الگلب تتناك
حسبالي أصيل اطلعت من تناك
مصدي بطبعك وتضحك عليه
=4=
لوتزعل وترضى وتغضب أداريك
وش ما غمگ
سرك اني داريك
شبعد المسافة بين داري وداريك
زحوف لمشيلك على
ايديا
=5=
تعال العين جلت
من كحلها
ورجولي من المناطر فك كاحلها
مسألة حبنا مستحيله فكحلها
صعب غيرك يرهم حل
اليه
=6=
وحك اللي الناس يوم العيد تنحر له
تجايدني بمشيك ويا عداي وتنحرله
وسفة ياگلبي عليك شگد تنحر له
لي جا العيد
وما نگعد سويا
حظي مثل شعري مثل ليلج ترى اسود
ويگلبي شكثرمن حبج تحمل أسى ود
ومن بعدج النفس. بالرية ترى اسود
محروگ اظن
ماتلحگ عليه
يامن هجرك يدرس... بعمري درّاسه
جاهل بالهوى........... رايدلي دراسه
موصوف حسنك واصلك در ساسه
علمني
المحبة برقة خطية
