بركات علي
أول نص أكتبه ليكى
وفيه بأعترف !!!
إن قبلك كنت شخص مختلف
مختلف فى شخصيتى وشكلى
مختلف حتى فى مشاكلى
لحد ما ظهرتى فى حياتى
شوفت فيكى الحاضر والآتى
غيرتى وحليتى الدنيا فى عينيا
بقيتى عينيا وبيكى شايف الدنيا
دنيا غير الدنيا إللى كانت قبلك
قبل أما أقابلك وقبلك كأن ما كان
شئ فى حياتى قبلك
وكنتى بداية لحياتى
والنور إللى محى الضلمة
وعلاج لكل أوجاعى السابقة
كأنك عدل لدولة حكامها ظالمة
وأنا واحد بيخاف من الظلم
وكان ناقصنى وجودك
جيش وكنت محتاج جنودك
نظرة من عينك
وبسمة من على خدودك
وضحكة تبعت لقلبى الأمل
وبيها ينتفع قلبى
ك كفالة وتعويض عن إللى قبل وجودك فيا أتعمل
وبيها أتوب عن ذنبى
وذنبى هو إنى قضيت إللى فات من عمرى بلاكى
ويمكن حبيت واحدة قبلك
ومفروض كان من واجبى إنى أستناكى
وأبدأ بيكى عشقى وأتنفس هواكى
فأنا دلوقتي بأتوب عن ذنبى
أن قبلك حبيت غيرك
واهو هتعيشى جبنى
وهيكون قلبى أسيرك
وبردو أسف لو يوم حبيت غيرك
#أول_نص_ليكى
#بركات_على
