إبراهيم شبل
أعرف حبها
علشان هي شكل تاني فحبي ليها بشكل أناني والدنيا معناها بعينيكي
علشان المولى راضي بحبه عليكي
فيكون حلمي بالأماني بس ليكي وغربتي في الحياه هو البعد عن عينيكي ولقمة
رزقي بحوشها لأطلب ودي بيكي يعني كل أنفاسي بالهوا بهديكي ويعني عمري عايشه فيكي
معرفش بحبك أي كدب وخداع مخلص وأمين وحبك نشيد بقلبي
رسمك جوا عيوني ليا عنواني وبكل
خطوة أبدر حبك بستاني يطرح ورد بأحلامي وكلامي ليكي بحر غناوي
والضحكة غيطان مزروعه بأمالي
عاشقك زي كتير من أحبابك بس أنا حبي حتى بالغربه ملازم أعتابك وشربة ميتك
تروى عروقي وبتصلب أولادك أنا في حبي ليكي برئ زي الفل
أبيض كنور النهار صافي زي نيلك
مهما حول يزيدوا العكاره أو حتى يزيدوا بالقلب المراره كله يهون من أجلك
لأني بشوفك أجمل ملاك رغم ضعف النظر والنظاره بس أنت هي البركه وخيرها وسر الحياه
وسلسبيلها
والحضارها وتاريخها ونظرة الحب بعيونها وكلمة حق منحوته بمعبدها
وأبطال ضحوا من عطر ترابها ياست الكل أنا عاشقك زي طفل بالبراءة ضمني جوا
حضنك زي الغلابه اللي عليهم دايما تحني ولا عنهم متبعديش
بتسندهم بوقت الشدة وعمرك ليهم متكسريش إنت الدنيا ليا وليهم وحبك حياتنا
متنكريش اصلك أنت أم الأوليا وأنا بحبهم درويش أنا بحبك إنسان وغيرك حبيبه بالدنيا
مفيش
يا ست العرايس وأم العريس قلبي فيكي ونبضك دا عندي بيقوللي أبني بعمرك
مستقبلها وكون طيب ولا تفتريش أصل البراءه أسلوب حياه وأكل عيش وهي ياما شفت
بحياتها واللي حاول يلعب بيها طحنته وعجنته قراقيش ياقلبي أصحى حبها وعيش بحبها
سواح وبدروب عينيها
درويش.
الكاتب / إبراهيم شبل
