محمود نوحو ابراهيم
تحسّب لدنياك
======
===========
وني لفيض الدمع
واتحسب لدنياك
تراك ريشة بهوى
اش ماعله وطاك
وشما تجوّل دفى
باجر يطير غطاك
ويسوس عظمك برد
وينخر بسلو عظاك
وبكثر ماضحكك
باجر يدور ابچاك
هذا الزمان الردي
عالجايفه ينخاك
عجيان بيه تحدي
وماظل حدا شرواك
وغريب بيه الوفي
ال فرحتو بملگاك
وال لوغبت مانسى
من هرجتا طرواك
وال لوعبت ناصحك
ودوّر عذر لسواك
وال لوتهت دورك
ودلك عله سرواك
وال لو هنت عاونك
وسد الدرب لعداك
وال لو عثرت عاونك
توگف على رجلاك
غريب صار الوفي
واليفرح لزيناك
***********************
***********************
