زحوف فاطمة
واش بيك يا دنيا عييتيني
وتعبت من مر هذا الزمان
غير صغير وشيبتيني
كل يوم نشوفك في شان
فيك لي فقير وهاني
قانع وعايش في أمان
وفيك لي لباس عليه غني
ومازال طامع في فلان
كاين لي باني قصر عالي
ساكنه غير الجن والحيوان
وكاين لي بالطوب باني
وعايش الفقر والحرمان
هذا الوقت المكشوف الفاني
ما تفرز لبنات من الصبيان
يا حصراه على أيام بكري
يا خوتي توحشنا حياة زمان
كان الراجل فحل و قدره
عالي
والحراير فيهم القفازة
والحنان
نطلب الخاتمة تجي زينة يا
ربي
وترزرقنا يا خالقي خير
الجنان
نختم قولي بالصلاة على
الهادي
خير البشر وصاحب البيان
#صباح الخير
والبساطة
***********************
***********************
