حامد حبيب
صابرين
صابرين والصبر طيِّب يامداوى
المجروحين
عشنا
السنين بنحلم ولاشفنا ف يوم حنين
كان قلبى نفسه يفرح لكنه
عاش حزين
...............
بنشوف غيرنا بنحزن على حالنا وع السنين
والعُمر
بيجرى منّا ونروح
نشكى لمين
ماعرفنا
الحب مرّة ولاشُفنا طريقُه فين
................
شمعة
من يوم ليوم
من عمرى بتتحرق
والفرح
لمّا ييجى من
عمرى بيتسرق
ياخسارة ياميت خسارة واجيبلى عمر منين؟
................
كان عندى أمل ياصبرى يهلّ ف
عمرى ضىّ
وافرح
مرّة فى عمرى فى
بُكره حلو جىّ
طلع
نهاية صبرى شمعة انطفت وأنين
.................
ياصبرى أنا
قلت إنّك دوايا وكنت ........ مُرّ
واستحملتك يا صبرى
حطّيت ع الصبر
صبر
شِربت الكاس
مرارة وادى احنا معاك عايشين
صابرين
