محمود نوحو ابراهيم
گطاية بالحمام
رخّتْ عالمتون الليل
أسود
ونزعت ستر بالحمام تسعد
حرت أشلون أراوي
بطة هاي لوسمچة
لو غانية معبد
وبياض البشرة
شفف لون دمها
ومن چاستا المية
تهدهد
والنهد انتفض
سكران نشوة
چني بيه
عصفورد دوري
ضج و غرد
والورد قداح
ضوّا زهاها
ولمّ الفراش
وعطره ورّد
گلت سبحان الذي
يخلگ بشر
من طين طيبا
ويرسما حلم
لوفن مجرد
گلت سبحان الذي
يرسم چسم
مثل الدفا
وشهكة دموع تسيل عالخد
الله أكبر
ياحلا الحمام
َمن حسنچ
وبمراية حلاچ
اليوم يشهد
وإني خوفي عالرخام
الزهر
من شهاتا لچسمچ
المذهول ينهد
سبحان طينچ
من حلاة أنهار جنة
بوصفها الكفار تدعي
وتّعبد
وااني ياأني
خلني بحيرتي
حيران
استطعم زها الحمام
نهدات وانهد
وابوس الليفة
والمنشف
والبخار الطاب
الچاس جسمچ
وأگرا تعاويذ
واحوقل
وخوفي من حلاة
الطيب أزهدْ
ايقونة مشتهى
جسمچ
واني بصلاة المهتدي
اركع محبة
واسجد
فرض /سنات وأزود
وارتل
:صلاة الله
وصلاة الرسل كلهم
عله جسمن
مهومن طين
ولامن ورد مديوف
چني سر
و بكل السكت
موصوف
چنو سيلة القداح
خنجر من عطر
ذباح
مثل صمت الحرير
ينز
عسل لو ساح
ويوج بوح جمر اخضر
وغفاة نجوم
حدر المنحر الفضاح
متغاوي بمنابع طيب
مدفونة بحلاة الفي
وشهاة العشب
من يربى بزهاة المي
ومن يخجل ندا المصباح
نعيما
والهنا لحمام
غسل گلبي
بحسنچ الذباح
ومن زود الحلا
چظ كلبي مشتها
ودوخني
بونينا وناح
غزلة ترعى بالحمام
شهوة
وانا ادم مشتهي التفاح
