إبراهيم عبدالفتاح شبل
مالي انا مالي غيرت احوالي
بحبك ياقمر مادريت انا بحالي
تنادي ارد عليك تنسجلي غناوي
أسمر بلون الطمي وجمال رباني
عليك القمر ميل بالخد بيليل
ونفسه يأيل بس النهار جاني
مالي انا مالي والضحكة سحراني
فيك أنا سهران وشوشني من تاني
حبك فيا نار جبني و وداني
فيك الكلام يحلا يا اعز خلاني
هتشد الرحال ليا بالقلب تهواني
عاشق انا بحرك اغرق وقول ياني
مالي أنا مالي غيرت احوالي
دوبت بهوايا فيكي مادريت أنا بحالي
يا ابو العيون كحلا فيك الغرام يحلا
من النوبه لقها ومن سوسه لزحلا
عوزك كدا راضي وبالغرام أحلا
يا سيدي يا قناوي حبيبي مش هنا
ومالي أنا مالي غيرت احوالي
بحبك ياعايده ونسمتك فايده
وضحكتك ناديه وبالهوا راضيه
مرسومه بأفعالي الحلوه الهاديه
فيك الحياه موال بيدور مع الساقيه
وسيرة راح تتقال وتغنيها شاديه
وتسكن جوا القلوب اوبرا مع عايده
ومالي أنا مالي غيرت احوالي
مقتول اول وتاني من رمشك بثواني
يا حلو ياغصن البان يا زينة بستاني
ضمني على صدرك وانت بتهواني
تناديني بحب الشوق وشوقي أناني
اسهر معاك الليل بالحلم عجباني
ارقصي يا عروسة على نغم ألحاني
ياجميلة بعيوني دا ربي ليكي هداني
الشاعر/إبراهيم شبل
