محمود نوحو ابراهيم
ومازُلزلَ طبع الناس
زلزال هز بالگلب....... وشلع شروش الروح
ضاگت علينا الارض...... ياالله وين نروح
كلشي انهز ورگص...... وأتهدمت الصروح
وانشگ صمت الحجر .جنه گلب مجروح
ببلادي حتى الحجر. يبچي الظلم وينوح
كلشي جذب يابشر....... مقدر علينا بلوح
تضيگ بينا السما........ والارض بينا تلوح
والبحر شرّع قهر ......وغرگ سفينة نوح
وصرناچباش الفدي.َ.بموس الظلم مذبوح
واسفة لسان الحگ ....عدنا انربط مايبوح
زلازل هز الارض.......... وماانهز طبع الناس
خسة ودناوة نفس.........طبع العرگ دساس
من أدم ليومنا............... واحنا اثم وارجاس
والخير حبله انگطع...... والوفى بذره خاس
متاجرة بجوع البشر.........وطماعهم خناس
يعلّي بعرش الظلم ........ويدگ اله أجراس
طبع الردى متاجرة ........هذا طبع بالساس
مايتوب عن الظلم............ مادام بيه أنفاس
ولاچنو يوم يموت ........ولاچن منيته كاس
واردها كل البشر ........ومابيها عالي الراس
ياخستك يابشر.................ماتنضبط بقياس
ظلم وفساد الذمم............. املون بگرطاس
وضمير صاحي چذب........ ينباع بالأكياس
