إبراهيم عبدالفتاح شبل
أحلام في الأرض
و خلاص معدش أحلام مطروحة
بالأسواق
وكأن صار للحلم لسان و أيد يهدد
الوالي
أحلام الغلابة المتعلقة بينا ضاعت
بالأيام
أحلامي ع رصيف المحطة متعبة
متعبيه بجوال
ليه تسرقوا منا الرصيف و الجوال
طلع فاصي
جه الحلم من بعيد بعتاب يقوللي
فز أوام
مستني أنا والملايين القطر يوصل
بالسلامة والسواق
نزل سواق قال مالك دا مش ليك
غور عادي
وحلمي ورقة متعلقة ع جدار بيت
القاضي
أوبيت بالزواية ولابولاق ولاالقلعة
او حتى الوراق
التعليم مقتول بالناس ولحنه مرار
الناي
داالصحة خلاص سبوبة وأمراضنا
تشخيصها زكام
خلاص ياغلبان و لا هتلاقي كلام
يبل الريق
معدش فيها عجايب كل الحكاية
فيه قاضي
وبحكمه هيقفل أوهيفتح السجان
داخلاصة الكلام
ولا تحلم إنك إنسان و إنك هتنجو
من الطوفان
ولا تفتكر إنك صاحب رسالة كلها
حب وآمال
أنت مين يا واد ياصفر ع الشمال
تايه بالزحام
داأصلهم أصحاب اليمين يصرفوا
حلمنا بالفواتير
وأحنا الغلابه من كتر غلبنا نشوف
حلمه براق
فوقنا بيطير واخد حلمي له أسير
من الأحلام
فساقوا علينا كلاب الجوع ذرفت
الأم الدموع
وبصوتها المبحوح لا يوم مسموع
وبتصرخ ع الفاضي
و زاد الغلاء على الناس و الرحمة
اللي بكام
وراحت ليالي العز وصنوف الخير
يالطبلية
ولاساعة صفا لمدعو وفا و لا حلم
حتى لودادي
زادالجفا مع نفسي وتهت عن حرف
الغرام
ليه تقتلوا فينا الحلم وكل المشاعر
وحتى الذوق
سيبوا ذوقنا والأسعار بعيش وملح
أنا راضي
واوعو تقتلوا على الفاضي كتير من
الأحلام
او الأحلام تطير منكم بأوهام دخان
المزاج
بجد خلوا أحلامنا فينا تزرع الأرض
وتشق
الف ترعة بس خلوا أحلامنا تعيش
في الأرض بسلام
الشاعر/ إبراهيم شبل
