ابراهيم عبد الفتاح شبل
القصة لما تبتدي
القصة لما تبتدي
صدقيني فيها بعيش
واكون فيها رومانسي
وغيرك ما يلزمنش
اصل القصة حياة
ياروحي متخافيش
اول نظرةاحيتني قبلها
ماكنت ياعمري بعيش
اول همسة منك كان
الكلام عنك طراطيش
اول بسمة واول ضحكة
فرحة زيه نور مفيش
القصة لما تبتدي
صدقيني فيها بعيش
اخاف من دور البطولة
يجي يوم ميلاقنيش
من يوم ماكنا أطفال
أملنا بيكبر وما ينتهيش
والضفيرة والفلونكة
حاجة تانية متقوليش
إن حبك مزروع جوا
قلبي وأنت متدريش
زي نخلة بتكبر كل يوم
بنظرة عين لحبي مترويش
ليه تصدي وتبعدي عني
للبعد ياعمري ي ماتحاوليش
ياحلم جوا الحقيقة قربي
واسكني قلبي وماتصديش
يا حبيبتي ويا أملي ياروحي
كل يوم فيكي بس بعيش
اقري بين سطور العشق
قلبي وافي ولا مبتقريش
القصة لما تبتدي ياعمري
صدقيني فيها بعيش
أكون حالم أكون هايم
أكون أسد ومش نايم
على حظي اللي مش دائم
اللي بصعدله بروج وسلالم
أيام بتعب من أحلامي
افز أصحى من المنام
أتري الحلم حقيقة مش أوهام
سكن كياني به اصحى وأنام
القصة لما تبتدي ياعمري
صدقيني فيها بعيش
بكون حالم بهوايا العذري
وإن بوحت بهوايا لي عذري
اصل هواك ساكن حضني
راسم على جبنك نجوم ليلي
واقابلك فوق النجوم
واسمعك بالحب مواويلي
وتنامي على صدري
وبكل شوق تغنيللي
ياخلي القلب بأعشقك
وأنت قصاد عيني
القصة لما تبتدي ياعمري
صدقيني فيها بعيش
يقولوا عاقل أو مجنون
حبك عندي دا بالكون
تعيش جوا عيوني
أوتسكن فيا سكون
أقبل كل مايشبهك
ولوظنوا بيا الظنون
مغرم في ليلك
ونهار كل شجون
مسجي في تراب خطوتك
المسطورة فيا بجنون
عوز منك قبس ياروحي
يضئ ظلام الكون
أنا بطل القصة
وأنت ليلي وأنا المجنون
والقصة لما بتبتدي ياعمري
صدقيني فيها بعيش الدور
