محمود نوحو ابراهيم
ترسيم
تكبر بيك الدنيا حچاية
يلحسنك
ترسيم مريا
مهفهف مثل مراود نسمة
عود
معدل بالبراية
واش ماگالو عنك تگفى
حساد بظهرك
مذراية
ياسمين مدورلك خصرك
وعناب تسيل
الشفايه
وتفاح مدگدگلك خدك
يتحلا ابعضّة
وگرطاية
وجبينك سوحة كمرية
ونباعة
تتفايض ماية
والمنحر دگة روسية
مفصل لحسابك
بهداية
جنك أنت الراسم حالك
روعة ريشة وخط
نهاية
مزين حالك ليلة حنة
وامكمل
بالحسن وآية
وصفك حير نص الدنيا
والنص
الثاني هذّاية
يگولون أوصافك خابلهم
ومايدرون أوصافك
هاية
يمعدل شمرة كسرية
وهلهولة عسكر عداية
وبيرغ راية حرب وحنة
ويرفرف
عالداير راية
چانك قائد فوج بحرب
و ضابط رابط
عالسداية
شماگالو عنك مومنّة
أنت
ياسيدنا الراية
قائد جيش عيونك حزب
وشطحة جفنك حد
ولاية
ومراد الهدنة وياه عيونك
حلم الجيش الغازي
وغاية
ويشطح شعرك رف طيور
ويحدر عالچتف
كطاية
لحدر حچولك غيم وليل
ومزنات اچدامك
روايّة
ياصف العسكر مستني
يقدمولك بالصف
تحاية
