عزة راجح
اكتم جروحك
عزة راجح
اكتم جروحك
واوعَى دم يبان
اياك يسيل الدمع في الشريان
واياك تطاطي وتنحني لجبان
دا المفترض
.. انك بقيت أقوى
ياما اطَّعنت
وياما داسوا عليك
لا خضعَت ولا
كسَروا الجناح وعنيك
ولا مِلت لحيطانهم عشان تداريك
اِقوَى واقُوم بالحق والتقوى
اصمد يا قلبي
وارفع الرايه
قنديل ف ليلك
.. نور ونجمايه
وامشِ ف
طريقك حق وكفايه
الحق ايده بالالم تِقوى
اصمد يا قلبي
ف الميدان اشتد
صعب الجرئ
الحر يوم يتهَد
مد الجدور
خلِّي الفروع تتمد
وارويها خير
تكبر قوي وتِقوَى
شجر الحقيقه
ف البدن شرايين
يرويك بنور وعلى الألم هيعين
فلا ريح تهز
ولا تصيب العين
اثبت ولو
عًصْف الرياح يقوى
يا اللي انت
راسم سكتك باديك
اياك تتوه او
تتنكس خطاويك
وارضِ الإله
إيد الاله تحميك
وحده السند ف
الشده والمأوى
فاثبت ولو
عصف الرياح يقوى
.............
***********************
***********************
