طب مين
هايكتب عنى لما ارتاح واغيب؟؟غير كل ضحكة ضحكتها؟
وانت البرىء من حزنهم
مارضيتش احطك وسطهم علشان هتكتب رغم كل الخوف تقول
الغربة صهد الفرن تخنق بالدُخان
والموت جبان
مستنى يعنى تحس بيا على الكتاف
انا مش بخاف من موتى لكن كل خوفى من فراقكم ع الطريق
أزاى بتكتب انك انت مش صديق رغم ان روحك كلنا بنحبها؟؟
حسيت ياقلبى بغلطتى
وبدأت احس بعمرى وقت اما اتنسيت
من بين سطورى وضحكتى
مانا قلبى شاخ
مابقتش زى ماكنت من كتر الجَفا
وبقيت حزين على بعدكم
ياااااه قلبكم
ولا غلطة واحدة تفوتوها بدون دموع!!!!
ياضحككم
على سطر واحد هاكتبه وهاخبى فيه كل الضلوع
ياتراب ماتستناش بشر
كل اللى جايلك كوم تراب
محمد
حسني إبراهيم
***********************
***********************
