الشاعر/ إبراهيم عبد الفتاح شبل
مسحراتي
مسحراتي
مسحراتي
ولسه بدق الآه
على طبلي
مسحراتي بحري
وقبلي
ودقات طبلتي
نبض قلبي
من جوايا اقول
ولا أخبي
يا رمضان ياجامع
خلاني
ومخليني أشوف
أولادي
وبرجعوا بكرمك
لأحضاني
بعد ما بعدهم عني
جفاني
كترت منهم بالجفا
أحزاني
مسحراتي ودقتي
أوجاعي
للباعوني جملة
وقطاعي
وكنت بأكلهم الشهد
بدراعي
واسهر ليناموا وانا
صاحي
يعيشوا معنى الحب
الدافي
وأنا زي النيل لهم
موافي
بخاف للمراكب ليا
تجافي
مسحراتي وطبلتي
كلمتي
اللي تخلي المريض
متعافي
القطر يغني بلحنه
الصافي
وبنتي تحلم حلم
خرافي
وابني يسند الضهر
العاري
وانام و رجلي قد
لحافي
مسحراتي يا بلد
ماتخافي
مأمنه بذكر الله
الشافي
قلوب طيبة فيها
العوافي
بمجد عايش رغم
الأعادي
سنين في عمر
الحكاوي
وانا دايب ولعشقها
غاوي
بكتبها شعر وبغزلها
غناوي
فيها الكلام سيدة
القوافي
مسحراتي وفجرها
أماني
اعيش العمر بحضنها
ثواني
الشاعر/ إبراهيم عبد الفتاح شبل
***********************
***********************
