بدر البدور
حامد حبيب
بدر البدور
فى الكون
بدأ بدر البدور
حوَّل ضلام
الدنيا نور
فجَّر
ينابيع السلام
خلّى الحياة
بهجة وسرور
*****
العدل مال
والظُّلم طال
صوَّب على
وأد الآمال
والحق فين
؟..ملوش مكان
تايه على.
مرّ العصور
*****
راح اللى
راح....تاه اللى تاه
والجهل واصل
مُنتهاه
وقلوب حجارة
مقفّلة
إنجيل لا
نافع ولا زَبور
*****
إبليس وحقّق
مااشتهاه
لمّ الجميع
حوالينا نِداه
والحقّ صوت
مخنوق وآه
والظُّلم
لابس توب غرور
*****
اليأس............
ساد المُتعَبين
والحلم مات
جوّا الأنين
وازّاى
هَنحلم بالخضار
فى أرض صخر
وأرض بور
*****
حلم العطاشى
ليوم مَطير
حلم البطون
لِخَضار نضير
بسّ الأمل
فى الوهم مات
أرض ارتَدِت
بُهتان وزُور
** *****
جالها
البشير.... ...مرّ السّحاب
مطَّر
بخير..............غنَّى الرَّباب
قالت.......
.. يامرحب بالرسول
والشوك طرَح
فى الحال زهور
*****
هلً
الربيع............. والنور ظهر
والظُّلم
لِيل...........عودُه انكسّر
مع
...............النَّبىِّ المُنتظَر
كُل الحياة
بهجة وسرور
*******
ياألف مليون
مرحبا حبيبنا طهَ المُجتَبى
صلُّوا عليه
طول المَدى صلُّوا عليه بدر البدور
صلّوا عليه
بدور البدور
!!؛!!!!؛!؛!؛!؛؛!؛!؛!؛!؛!؛؛!؛!؛؛!
