كان فاضل دَقَّة ،
محمد حبشي
كان
فاضل دَقَّة ،
وحبي
ف قلبِك يترَقَّى ،
واجلس
على عرشِك ،
وابقى
أمير ..
زي
الجندي ما يبقى وزير ..
كان
فاضل فَرض ،
ويطلع
قلبي للسما م الأرض ..
ويخُش
بدون جناحات الجنة ،
بعد
ما يتحَنَّى ،
ويزرع
صبري جناين ورد ..
ويتمَشَّى
نبض صوابعه ما بين نهدين ..
كان
فاضل دين ..
يتسدد
للفَم قبل ما اموت ..
طعم
فانيليا ف باكو بسكوت ..
أكلته
أثناء البوسة ،
وآهة
قلبك محبوسة ،
ولحد
الآن ،
ما
دفعتش تمنه ،
لفمِّك
أو فمِّى ،
مع
إن ريحته لسه ف دَمِّي ..
وفتاته
زي النمل ،
ب
يجري خلف شفايفي على الخَدِّين ..
***********************
***********************
