شقشق نهار الحُب
حامد حبيب
!!!!!!!!!!!!!!!!!!!!!!!!!!!
شقشق نهار الحب
شقشق
شقّ قلبى
بنور بهاه
صحّى قلبى
من سكونُه
قُمت البّى
قوام نِداه
زىّ هاتف
جِه فى ودنى
صوت جميل
جىّ يعاتبنى
قُمت أجرى
عليه وادوّر
قد إيه
حبّيت .........لُقاه
:-:-:-:-:-:-:-:
قلت قلبى
اخلِيلُه قلبك
دا النزيل
نور الجلالة
والتأهُّب .....حالة
صعبة
مش بسيط ولا أىّ
حالة
بَرّة جوّا ....
الطُّهر لازم
تغتسل بالتوبة
لازم
ياللّه قلبى.....
ياللّه نلحق
نفرش الشوق
للحياة
:-:-:-:-:-:-:-:
هيّه حياتك
دى اللى كانت
دى حياة ؟..دا سراب
مُخادع
ياللّه صحصح ..قوم وشوف
الصّفا ونورُه
اللى ساطع
شيل غشاوة
حُب زايف
دانت عشت
العمر خايف
واملا قلبك ب.............المحبّة
دى القلوب ........ مِلك الإله
:-:-:-:-:-:-:-:
لمّا نور
الحُب يسرى
فى الفؤاد
والدم يجرى
إيه تساوى
الدنيا عندى
حُبُّه جاهى
وضىّ عُمرى
باهتدى بنوره
ف حياتى
ييجى نجدة ف يوم مماتى
ينطفى الجسد
اللى فانى
تبقى روحى
بنور ضياه
(!)(!)(!)(!)(!)(!)(!)
حامد حبيب _مصر
