إبراهيم شبل
بدون أخطاء
بدون أخطاء يازمن اكتب
قصةمن ركب يوممركب
علشان يحقق حلم الأحباب
انخدع بكلام أعز الصحاب
فتح لحلم العشق ألف باب
ودون كل أمال الحلم كتاب
وسرا هجر يوما كل الأعتاب
ليعبر البحربين العشاوالمغرب
ناد الحكيم ياواد أياك تركب
رد الزمن وقاله سيبه يركب
بدل ما يعيش دايما مركوب
ويضيع العمر ويكون كركوب
شوف ياحكيم زي كدا ألوف
وإن محاولش اكيد حلوف
وفي دنيته ياااما هيشوف
غدر وحيره أشكال وصنوف
وبشر متلونه بترص حروف
وكلامها مش حجر محدوف
وحاضر بالقسمه مش محذوف
الدنيا تعطي السعد له بالمعروف
وواحد يخد حظه منها كفوف
ياحكيم دمع الخطأ موصوف
وريش الصقر خلاص منتوف
ماعد بيوصل للقمر م الخوف
بدون أخطاء يازمن فين حقي
ليه بخيوط العجز انكتم بقي
يا أيام الحب تاني ليا رقي
أصل مطحون والسبب قلبي
طيب وعاشق ياحبيبه ردي
قالت أركب مركب شوقي
وأسمع كلام الزمن وعدي
وسيبك من حكيم زماني
كلامه لاهيجيب ولايودي
وبدون أخطاء اكتب بقلمي
إن الزمان رماك غريق بحري
ولاسباح ولاتقدر على موجي
ولاتعرف تقاوم ياواد سحري
بدون أخطاء موت بقا قدري
يا زمان ليه تبعد ويتوه شطي
قلبي أخضر واتلغبط هنا خطي
وتاه مني سيري وكمان نفسي
قاللي ماسمعتش الحكيم بدري
وهجرت القارب مشيت بشطي
بدون أخطاء دون بالقلم ندمي
الشاعر/إبراهيم شبل
