محمود نوحو ابراهيم
هذول أحنا
هذول أحنا
طشرنا القهر والهم
والصبر جنزر حنين أروحنا ومتنا
وغمسنا دموعنا بالدم
وعن العايل سكتنا احنا
وشربنا الذل
فرح كاسات بعرس ايام ذلتنا
مهانة وسم
وهذول أحنا
مسامي ارجال
مصبوغة بسواد الذل شواربنا
وهدرنا بالچذب
زومات
نطخي روسنا للكل
تحدبنا بلا گومات
وسكرنا بزود محنتنا
هذول أحنا
نسوگ الليل بالخسة
وصباح الله
نسى طبعه بمحافلنا
هذول أحنا
مچامن
للذليل الچان عبد النا
وكبر بينا وزغرنا احنا
وهذول أحنا
مضايفنا
اكهوة عفنين
شكى منا الگدر والطين
هرج فاضي
وفعل ماضي
وكلمن بالعدم راضي
ترا جنا. وترا
احنا
وهههههذول أحنا
أموات لو ردوا علينا تراب
گبرنا يگول دفنهم بي
ليا عذاب
وريحتنا جزت كل الحدود
وذلنا شاب
واسم زلومنا من دفتر
الزينات غاب
هذول أحنا
حصاني بزومت الطيبين
ننهش بالگريب ذياب
هذول
أحنا
عگلنا ما تشد رچاب
ولابيها تعگلنا
يوم اللي تولونا الغرب واجناب
يومن انساگت النسوان
بحسبة مدعي جذاب
ويومن باگوا الرگة
وخلوها حجر وتراب
ويومن سدوا النهران
وحفروا بالبيوت گبور
للجانوا سند واحباب
هذول احنا
زلمنا ماتشد طناب
